CAGAYAN DE ORO CITY-Mopagawas sa iyang baruganan si City Mayor Oscar Moreno kabahin sa hukom sa korte suprema nga ipadungog pagbalik sa lower court ang kaso kabahin sa pribadong pagdumala sa Agora Public Market ning syudad.
Kini human unang gisulti sa korte suprema nga angay mohimo’g case trial pagbalik ang korte kon nganong gibasura ang kaso gipasaka sa pipila ka city councilors nag-kuwestiyon sa build operating transfer o BOT sa merkado.
Miingon si Moreno bisan mipabor ang korte suprema sa petitions batok Market City management apan wala pa matandog niini ang merito sa kaso.
Natukod ang maong merkado sa panahon ni kanhi City Mayor Vicente ‘Dongkoy’ Emano nga nasundan usab ni former City Mayor Constantino ‘Tennix’ Jaraula.
