CAGAYAN DE ORO CITY-Mitabang ang liderato sa Moro Islamic Liberation Front o MILF pagsumpo sa kalihukan sa mga teroristang Bangsamoro Islamic Freedom Fighters o BIFF nga suspek sa Sultan Kudarat bombings.
Kini human pipila ka sibilyan ang namatay samtang daghan ang mga samaron sa pagpamomba sa lungsod sa Isulan.
Miingon si Mohaguer Iqbal, chairman sa MILF Peace Implementing Panel nga dugay nang naghiusa ang gobierno aron pulbuson ang anaa sa BIFF nga naghimo’g dakong kaguliyang sa Central Mindanao ug silingang lugar sa rehiyon.
Gihimo ni Iqbal ang pahayag alayon sa pagsabot nila sa Bangsamoro Organic Law o BOL sa Luxe Hotel ning syudad kaganihang buntag.
