CAGAYAN DE ORO CITY-Namiligro nga mapapha pinaagi sa impeachment case si Pres Rodrigo Duterte.
Kini tungod sa pagmando niini nga ipadakop si Sen Antonio Trillanes IV gumikan kay walay nahatag kaniya nga amnestiya batok sa kasong rebelyon.
Miingon si constitutional law Prof Atty Tony La Viña nga dili kini mahimo ni Duterte sukwahi sa panahon ni kanhi Pres Ferdinand Marcos Sr kaniadto.
Miingon si La Viña nga ang gihimo ni Duterte ang dayag nga basehan nga makasuhan kini sa impeachment complaint kay dayag nga kasupakan sa konstitusyon.
