CAGAYAN DE ORO CITY-Gikalipay sa liderato sa Moro Islamic Liberation Front o MILF ang pagpabor sa elected officials sa Lanao del Norte sa Bangsamoro Organic Law o BOL.
Kini bisan nga kusganong gisupak nila ni Gov Imelda Dimaporo;Lanao del Nore 1st District Rep Khalid Dimaporo ug 2nd District Rep Abdullah Dimaporo nga malakip ang unom nila ka lungsod sa BOL.
Miingon si MILF peace implementing panel chairman Mohager Iqbal nga personal niya na-estorya ang mga Dimaporo ug nakuha niini ang pabor nga suportahan ang BOL provisions.
Nasuta nga kabahin sa isakop unta sa BOL ang kalungsuran sa Tangkal, Pantar, Baloi; Tagoloan, Nunungan ug Munai.
