CAGAYAN DE ORO CITY-Patay ang laing drug pusher suspek sa drug buybust operation nga gipahigayon sa kapolisan sa Iligan City.
Giila ni Iligan City Police Office Police Director Sr Supt Manuel Sukarno Alvarez ang suspek nga si Andres Laspiñas alyas
Andy 42 anyos,ulitawo ug residente sa Purok Dulce Maria, Brgy Acmac sa maong lugar.
Namugos si Alvarez nga unang gipabuthan sa 38 nga armas sa suspek ang police operatives human nakamatikod nga dunay back-up ang iyang buyer sa shabu.
Naigo sa dughan ang police nga naka-transak kaniya nga si PO2 Reach Escalante apan wala kini maunsa kay
nakasul-ob sa bullet proof vest.
Samtang ang suspek,naigo usab sa dughan human nakigpinusilay kang Escalante.
Narekober sa crimescene armas sa suspek ug slugs sa 38 calibre revolver,sachets sa suspected shabu ug marked money.
