CAGAYAN DE ORO CITY-Makigtagbo ang mga opisyal sa syudad ngadto na sa mga opisyal sa National Food Authority (NFA) ning semanaha.
Tumong niini nga mahibal-an sa lokal nga kagamhanan ang hinungdan sa pagsaka sa presyo sa bugas sa kamerkaduhan ug kung sa unsang pamaagi masulbad ang problema.
Matud ni Atty Edgardo “Egay” Uy, chairman sa City Price Coordinating Council (CPCC) nga nagduda sila kung igo ba ang suplay sa bugas sa NFA.
Gusto usab nila mahibal-an kung gitagoan ba sa mga negosyante ang mga bugas.
