CAGAYAN DE ORO CITY-Kasamtangang gihaya na ang patay’ng lawas ni 2016 Olympian Ian ‘Yan-Yan’ Lariba sa St Peter’s Funeral Homes sa Brgy Lumbia ning syudad.
Kini human nakaabot sa syudad gikan sa upat ka adlaw nga public viewing sa kauluhan kagahapon sa hapon.
Miingon ang inahan ni Ian nga si Mel Lariba nga kutob sa adlaw’ng Domingo pa ang katapusang vigil nga gipahiluna sa pamilya alang niini.
Dugang ni Mrs Lariba nga mahimo nga masaksihan pa sa katapusang higayon sa mga higala ug ubang sports group ang haya ni Yan-Yan sa adlaw’ng Lunes sa udto.
Si Lariba nga nagbaton sa sakit nga leukemia ang nag-edad sa 23 anyos dihang kini nabugtuan sa kinabuhi samtang nakigbisog sa kauluhan sa miaging semana.
Ihatod sa katapusang pahulayan si Ian mismo sa Oro Gardens sa Brgy Lumbia ning syudad sa adlaw’ng Lunes sa hapon.
