CAGAYAN DE ORO CITY-Patay ang usa ka ginang human mabunal ang iyang ulo sa semento atol sa disgrasya sa dalan nga nahitabo sa Binuangan, Misamis Oriental.
Giila ang biktima nga si Florabel Cortez, hingkod, minyo, residente sa Iligan City.
Base sa pamahayag sa iyang samarong bana nga si Jake, gikan pa nagsakay ug bus ang iyang kapikas sa Gingoog City ug iya kining gitabo aron musakay sa iyang motorsiklo sa dalan sa Binuangan.
Gi-angkon sa bana nga nawad-an siya’g kontrol sa motor human maatulan sila sa kusog nga ulan.
Nalagpot silang duruha sa iyang kapikas apan minus ra nga samad ang iyang naangkon.
Gidala pa sa ospital ning syudad ang biktima apan gideklarar sa mga doktor nga dead on arrival.
