CAGAYAN DE ORO CITY-Nagpabilin ang pagsalig ni Gov Bambi Emano sa mga pulis ubos sa liderato ni Misamis Oriental Gov Bambi Emano PNP provincial director Sr/Supt Rolando Destura.
Kini bisan sa kontrobersiyal nga sunod-sunod nga kamatay sa drug suspects sa probinsya.
Nagtoo si Emano nga dili gahimo sa “planted evidence” ang mga pulis ug tinood gyud nga nalambigit sa droga ang ilang target suspects.
Ipatawag sa Sangguniang Panlalawigan o SP si Destura aron mo-esplikar kon nganong taas ang kaso sa mga napatay nga suspected pushers sa Misamis Oriental.
Samtang gikompirmar ni Emano nga pipila sa govt officials nga naglihok sa syudad ug lalawigan ang ubos sa pag-monitor ni Pres Rodrigo Duterte.
Kini tungod sa giingong kalambigitan sa pagpayuhot sa gidili nga droga sa lalawigan.
Miingon si Emano nga wala niya makuha ang aktuwal nga listahan nga gipakita kaniya dihang sila nagkakita ni Duterte.
