CAGAYAN DE ORO CITY-Nagtoo si Political Analyst Atty Tony La Viña nga bahad si Sen Antonio Trillanes IV sa Duterte administration.
Kini ang rason kon nganong adunay gihimo nga talk show sila si Pres Rodrigo Duterte ug Chief Legal Counsel Atty Salvador Panelo.
Si La Viña miingon nga iyang nasabtan nga nahadlok ang Duterte administration nga makakuha sa dakong suporta sa publiko si Trillanes rason nga gaibalik-ibalik usab ni Panelo ang mga positibo nga nahimo ni Pres Duterte sa nasud.
Samtang pabor kang Sen Trillanes ang wala pag-issue sa Temporary Restraining Order o TRO sa Korte Suprema nga una niyang gipangayo batok Proclamation 572 ni Pres Duterte.
Matud ni La Viña nga wala mag-isyu sa TRO ang Korte Suprema tungod kay nagpasalig man si Duterte nga dili dakpon si Trillanes ilabina nga walay warrant of arrest.
