CAGAYAN DE ORO CITY-Gibaharan sa PDEA-10 ang brgy opisyales nga dili magpasagad sa kampanya batok illegal nga droga ilabina dinhi sa syudad.
Kini pinaagi sa pagpa-aktibo sa brgy abuse drug council o BADAC nga dugay nang gimando sa DILG.Gihimo ni PDEA agent Kent Cardona ang pasidaan tungod sa pagkasikop sa anak sa brgy kagawad dihang gilusad ang buy bust operation sa Brgy 36 ning syudad.
Unang nakuhaa’g usa ka gramo sa suspected shabu balor 6-mil pesos ang suspek nga si Regem Ocay dihang nasikop sa Yacapin Extension sa dakbayan sa miaging gabii.
Gikasuhan na sa pagbaligya’g gidiling droga ang suspek samtang gihulat ang pagsaka niini sa city jail ning syudad.
