CAGAYAN DE ORO CITY-Napasaka sa PDEA-10 ang kasong paghupot ug pagbaligya sa gidiling droga batok sa suspek nga giingong sakop ni detained former Ozamiz City Councilor Ricardo Ardot Parojinog sa Oroquieta City.
Kini human unang nasikop sa PDEA ug PNP-CDIG ang suspek nga si Iluminado Nuñez Seguisa alyas Loloy, 60 anyos ug nagpuyo sa maong lugar.
Miingon si PDEA-Misamis Occidental provincial officer agent Bruno nga lahi usab ang kasong pagbaton sa armas ug mga bala nga gipasaka sa CIDG batok sa suspek.
Si Seguisa ang sakop sa grupong Kubal ni Lourdes Legazpi nga direktang may koneksyon sa Parojinog Syndicate Group sa Ozamiz City.
