CAGAYAN DE ORO CITY-Nasikop sa magkalahi nga operasyon sa kapolisan ang tulo ka suspected pushers ning syudad.
Giila ni Sr Insp Rojie Cabaquinto, commander sa Cugman Police Station ang mga suspek nga sila si Benjie Gamboa; Gilbert Mohamad nga pulos nagpuyo sa Brgy Camaman-an ning syudad.
Nasikop usab sa follow up operation ang kauban sa duruha nga John Rey Bernaldez nga taga-Brgy Lapasan ning syudad.
Nakuha gikan sa mga suspek ang bana-banang 7-mil pesos nga kantidad sa suspected shabu ug marijuana dihang gilusad ang operasyon.
Nasuta nga si Gamboa ang tinun-an sa University of Sciene and Technology of Southern Philippines o USTP sa Brgy Lapasan sa syudad.
Kasuhan sa pagbaligya’g ilegal nga droga ang mga suspek sa piskalya sa syudad sunod semana.
