CAGAYAN DE ORO CITY-Nagtoo si Governor Bambi Emano nga mabuluhan ang katawhan sa syudad ug lalawigan sa alyansang Padayon Pilipino ug Hugpong ng Pagbabago ni Davao City Mayor Sarah Duterte.
Kini tungod kay wala lamang gitumong sa partido ang alyansa sa katuyuang politika apan bisan sa kaugmaran sa ekonomiya dinhi sa rehiyon.
Miingon si Emano nga tuyo usab sa ilang grupo nga mapalig-on pa ang panginabuhian sa katawhan pinaagi sa pagpatabang sa livelihood programs nga anaa sa Davao Region padulong dinhi sa rehiyon.
