CAGAYAN DE ORO CITY-Patay sa pagpanunggab ang batan-ong lalaki dihang nakakita’g karambola sa laing grupo sulod sa imnanan diha sa El Salvador City,Misamis Oriental kagabii.
Giila ang biktima nga si Glenn Legazpi,21 anyos,ulitawo ug nagpuyo sa Brgy Cogon,Gitagum ning lalawigan.
Miingon ang higala ni Legazpi nga si Marjun Salvador nga kalit sila gipangsumbag sa tulo ka lalaki hinungdan nga mipalag kini ug nagresulta sa dugu-ong hitabo.
Nakaangkon sa dinunggaban sa dughan ug samad sa ulo ang biktima hinungdan gidali pagdala sa ospital apan nakabsan ra gihapon sa kinabuhi.
Gihimuan na’g imbestigasyon sa kapolisan ang hitabo sa maong lugar kagabii.
