CAGAYAN DE ORO CITY-Detinado ang trailer truck driver sa kapolisan gumikan sa dugu-ong aksidente sa Sto Rosario,Brgy Casinglot,Tagoloan,Misamis Oriental.
Kini human unang mibangga ang pick-up truck nga gimaneho ni Peladio Ocanglonon,46 anyos nga nagpuyo sa susamang dapit sa trailer nga gisakyan usab ni Richard Galula kagahapon sa udto.
Miingon si PO2 Louie Minyano,traffic investigator sa Tagoloan Police Station nga gikan sa magkalahing direksyon ang duha ka truck dihang disgrasya nga nagkasungag.
Namatay gumikan sa bun-og ug mga samad si Ocanglonon epekto sa hitabo hinungdan mitahan usab sa kapolisan si Galula nga nagpuyo ra gihapon sa maong lugar.
Hayan kasuhan sa reckless imprudence resulting into homicide ang suspek sa piskalya ning semanaha.
