CAGAYAN DE ORO CITY- Gitin-aw sa kontrobersyal nga chief of police sa Ozamiz PNP nga si C/Insp Jovie Espenido nga dili na siya magpapili pagka- mayor sa 2019 midterm elections sa lungsod sa Ozamiz,Misamis Occidental.
Siya miingon nga mas pilion niya nga magpabiling pulis aron mahimo iyang trabaho nga malimpyohan sa ilegal nga droga ang Ozamiz City.
Asoy niini nga naa pa siya’y pito katuig aron magpabilin sa serbisyo ayha mag-retiro sa
serbisyo.
Si Espenido ang gitahasan ni Presidente Rodrigo Duterte aron lumpagon ang ilegal drugs operation nga giingong gipadagan sa pamilyang Parojinog sa Ozamiz City sa taas nga panahon.
