CAGAYAN DE ORO CITY-Atbangan ni Gov Bambi Emano si City Mayor Oscar Moreno sa 2019 elections ning syudad.
Kini kon mahukman sa partido Padayon Pilipino ingon man suportahan sa Hugpong ng Pagbabago ug Nationalista Party aron bangga-on si Moreno.
Miingon si Emano nga agdon niini ang desisyon sa partido apan mas gusto pa gihapon niini nga magpapili sa ikatulong termino pagka-gobernador sa Misamis Oriental sunod tuig.
Si Emano ug Moreno ang pulos dunay nabilin nga usa ka termino sa pagka-gobernador sa lalawigan ug pagka-mayor usab sa dakbayan.
Samtang andam sa tanang panahon si Moreno kon ihinayon ni Emano ang iyang pagdagan aron sila magka-kontra sa 2019 midterm elections dinhi sa syudad.
Miingon si Moreno kinsa miembro sa PDP-Laban party nga katungod ni Emano nga mosulod sa syudad hinungdan gitahod usab niya ang makab-ot nga hukom niini.
Si Moreno kinsa kanhi sakop sa partido Padayon Pilipino ang bugtong makapildi sa giila nga ‘political kingpin’ nga si kanhi City Mayor Vicente ‘Dongkoy’ Emano sa makaduhang higayon nga piliay ning syudad.
