CAGAYAN DE ORO CITY-Detinado sa Cogon Police Station ang 26-anyos nga babaye human magpakatag sa “false information” may kalabutan sa pagpamomba sa Sitio Balongis, Barangay Balulang ning syudad.
Giila ang suspek nga si Heera Mabaylan, dalaga ug residente sa maong dapit.
Matud ni SP02 Benjie Tundaya sa Cogon Police Station nga nahibal-an sa intelligence army ang binuhatan sa suspek diin siya ang gapakatag sa mga sayop nga impormasyon may kalabutan sa mahitabong pagpamomba sa syudad pinaagi sa social media nga naghatag kahadlok sa publiko.
Nabawi sa posisyon sa suspek ang duha ka klase sa selfone.
Nag-atubang siya sa kasong kasupakan sa RA 10175.
