CAGAYAN DE ORO CITY-Nasikop sa hiniusang operasyon sa PNP ang municipal councilor dihang gisilbi ang duha ka search warrants gikan sa korte sa sa Purok 1, Barangay Libertad, Kauswagan, Lanao del Norte.
Kini human nagbaton sa nagkadaiyang klase sa mga armas ug mga bala si Kauswagan Municipal Councilor Alde Ozarraga Tan, hingkod ang panuigon ug nagpuyo sa maong lugar.
Miingon si C/Insp Cipriano Bazar Jr sa Criminal Investigation and Detection Group (CIDG) Lanao del Norte-Iligan City Provincial Unit gisikop si Tan subay sa mga ebedensiya nga nakuha sa iyang pinuy-anan.
Kabahin sa nabawi ang duha ka M-16 rifles;upat ka carbine firearms;KG9 automatic rifle.
Samtang naka-eskapo usab ang kauban ni Tan nga si Nestor Oyan Loreniana atol sa operasyon.
Kasuhan sa pagsupak sa illegal possession of firearms sa Republic Act 10591 ang mga suspek sa piskalya sa Tubod, Lanao del Norte ning semanaha.
