CAGAYAN DE ORO CITY-Patay ang wanted person dihang gisilbi sa kapolisan ang warrant of arrest sa Crossing,Brgy Mandangoa,Balingasag,Misamis Oriental kagabii.
Giila ni Mandangoa Brgy Kag Kag Shiela Lindongan ang suspek nga si Michael Dahino nga taga- Davao City apan
temporaryo nagpuyo sa maong lungsod.
Miingon si Lindongan nga gisilbi sa Provincial Drugs Enforcement Unit sa PNP-Misamis Oriental ang mando sa korte dihang daw misukol ang suspek hinungdan nga napusilan nga nag-resulta sa kamatayon niini.
Naigo sa dughan ug ulo ang suspek dihang natigayon ang pinusilay.
Narekober gikan kang Dahino ang giingong granada ug kalibre 38 nga armas ug suspected shabu.
Nasuta nga may mga kaso giatubang si Dahino sa Davao region ingon man mismo dinhi sa dakbayan.
