CAGAYAN DE ORO CITY-Gikalipay sa PNP-10 ang pagkasikop sa 26-anyos nga babaye nga responsable sa pagpakatag sa text messages may kalabutan sa bomb threat.
Matud ni PNP-10 spokesperson Supt Surki Serenias nga mag-atubang sa bug-at nga silot ang bisan kinsa nga mag-bomb joke.
Naglaum si Serenias nga magsilbi kining leksyon sa uban nga dili maayo ang manghinadlok sa publiko.
Giawhag usab ni Serenias ang publiko nga dili mahadlok sa bomb threat tungod kay wala magpasagad ang kapulisan kalabot na niini.
Gibutyag usab ni Serenias nga miubos ang crime rate sa tibook Misamis Oriental.
Sumala ni Serenias nga miubos ang krimen sa rehiyon ug kabahin na niini ang Misamis Oriental.
Kabahin sa kaso nga miubos ang murder, homicide, physical injury, rape, robbery, theft, ug carnapping gikan bulan sa Hulyo hangtud Setyembre.
