CAGAYAN DE ORO CITY-Hugot karon gibantayan sa kapolisan ug militar ang duha ka barangay sa Marawi City sa gipahigayon nga special elections sa brgy ug sangguniang kabataan o SK karong adlawa.
Kini ang gihimong kumpirmasyon ni PNP-ARMM regional director C/Supt Graciano Mejares tungod kay naila ang maong mga lugar nga gahimo sa vote buying ug daghan mga flying voters.
Masaligon si Mejares nga dili makapanghasi ang grupo ni Benito Marohombsar or “Abu Dar”.
Siya miingon nga hugot sila nga nakigkoordinar sa mga kasundaluhan aron maseguro nga dili makapanghasi ang mga nahabilin nga teroristang grupo.
Naglaum si Mejares nga magmalampuson ug magmalinawon ang pagpahigayon sa piliay karong adlawa.
