CAGAYAN DE ORO CITY-Giproklamar sa Commission on Elections o Comelec ang mga kandidato nga nandaug sa gihimo nga special Brgy ug Sangguniang Kabataan o SK elections sa Marawi City.
Kini human milampos ang Comelec inabagan sa militar ug kapolisan sa pagpahigayon sa special elections sa maong lugar kagahapong adlawa.
Miingon si Comelec spokesperson James Jimenez nga tungod sa bag-ong napili nga officials,mapadali na ang pag-rehab sa Marawi City diin 24 ka brgy nga grabeng apektado sa giyera sa militar batok teroristang Maute-ISIS kapin tuig na ang nakalabay.
Samtang giila sa kapolisan ug militar nga labing malinawon ang special eleksyon pagka-brgy ug SK officials sa Marawi City kagahapong adlawa.
Kini human wala na’y natala nga tawong namatay samtang gihimo sa Commission on Elections o Comelec ang piliay sa maong lugar.
Miingon si Joint Task Force Col Romeo Brawner Jr nga bugtong duha ka botante lamang ang nagsumbagay ug laing pipila ka tawo ang nasikop kay namalit sa boto sa mga botante.
Gipadala-an usab nila sa igong puwersa ang 17 ka barangay nga gikonsiderar nga ‘hot spots’ sa matag-eleksyon sa Marawi City.
