CAGAYAN DE ORO CITY-Kasuhan sa kasupakan sa eleksyon ang usa ka lalake nga nadakpan sa mga pulis tungod sa vote buying sa Marawi City.
Giila ang suspek nga si Richam Suba. Siya nadakpan human masapon sa akto nga namalit sa boto sa kantidad nga P20.00.
Apan depensa sa suspetsado, nanghatag siya sa kwarta aron adunay ipalit sa tubig ang mga botante.
Una nang giila sa mga pulis nga ang gipahigayon nga Barangay and Sangguniang Kabataan elections sa Marawi ang giingong pinaka-malinawon sa unang higayon taliwala nga adunay duha ka mga botante ang nagsumbagay.
