CAGAYAN DE ORO CITY-Patay human maigo sa dughan ang habal-habal driver nga giingong nalambigit sa illegal nga droga sa operasyon nga gihimo sa mga pulis sa Naawan, Misamis Oriental.
Giila ang biktima nga si Carlo Mamawag, hingkod ang panuigon ug residente sa maong dapit.
Matud ni SP01 Cerilo Mangko, imbestigador sa Naawan Municipal Police Station nga misukol ang biktima sa gihimong transakyon sa mga pulis.
Nakuha sa posisyon sa suspek ang usa ka improvised shotgun, usa ka sachet sa shabu ug celphone.
