CAGAYAN DE ORO CITY-Nagkatagbo ang Regional Peace and Order Council o RPOC-10 aron ituki ang kahimtang sa seguridad sa rehiyon sa N Hotel sa Barangay Kauswagan ning syudad.
Miingon si RPOC chairman City Mayor Oscar Moreno nga sentro sa hisgutanan ang sunod-sunod nga bombing incidents sa pipila ka bahin sa Mindanao nga hinimuan sa mga terorista.
Dugang ni Moreno nga tuyo mahibaw-an niini gikan sa PNP,AFP ug ubang ahensiya sa gobierno kon unsa ang security measures nga gipatuman aron pabiling luwas ang rehiyon kontra terorismo.
Sa kasamtangan,gisiguro sa PNP ug AFP ang paghatag seguridad dinhi sa syudad pinaagi sa gikatag nga kapolisan ug Task Force Oro aron dili mahitabo ang pagpamomba sama sa gidangatan sa Basilan,Sultan Kudarat,General Santos City ug North Cotabato.
