CAGAYAN DE ORO CITY-Gibatikos ni PDEA regional director Wilkins Villanueva ang hukom ni RTC Branch 41
Presiding Judge Joefrey Acebido nga nag-acquit sa giingong druglord nga si kanhi Maguing Mayor Johaira Macabuat
alyas Marimar sa syudad.
Kini human gawasnon si Marimar kauban sa iyang bana nga si army Maj Suharto Macabuat kay giila ni Acebido nga ilegal ang search operation nga gihimo sa PDEA ug PNP operatives sa tuig 2016.
Miingon si Villanueva nga idangop nila sa korte suprema aron i-kuwestiyon ang hukom ni Acebido sa kasong illegal drugs batok magtiayong Macabuat ug laing pito ka kauban niini.
Si Marimar ang dul-ag 20 ka tuig nang gitumbok sa PDEA ug PNP nga suspected druglord tungod sa lapad nga illegal drugs distribution niini sa nasud.
Samtang nasabtan sa husgado kon nganong emosyonal ang PDEA-10 sa pagkabuhi-i sa gitumbok nga drug queen of the south nga si kanhi Maguing Mayor Johaira Macabuat alyas Marimar gikan sa iyang pagkabilanggo ning syudad.
Kini human wala magustuhi ni PDEA regional director Wilkins Villanueva ang hukom ni Acebido pag-acquit kanhi mayor sa illegal drugs case.
Miingon si Atty Dick Carlo Cabanlas,clerk of court sa Cagayan de Oro Hall of Justice nga gitahod nila ang pagbati sa PDEA ilabina nga dili tiaw ang paningkamot masikop lamang si Marimar dihang gisilbi ang search warrant sa tuig 2016.
Si Marimar kuyog ang laing walo ka tawo ang nakuhaa’g 100 gramos nga shabu ug mga armas sulod sa ilang pinuy-anan sa Brgy Kauswagan ning syudad.
