CAGAYAN DE ORO CITY-Gibarugan ni Bislig City Mayor Librado Navarro ang iyang gipamugos nga dakong scam ug ilegal ang “Kabus Padatu-on” o KAPA nga gitukod ni founder Pastor Joel Apolinario sa Surigao del Sur.
Gitug-an ni Navarro nga kapin 40 milyones pesos ang nahakot sa KAPA sa ilang mga kabus nga residente ug bisan usa wala’y nidato.
Gawas niini, wala usab mahimoot si Navarro sa gipasigarbo ni Apolinario nga nakatukod siya’g mga gas station sa maong dapit tungod kay dunay pipila ka investors niini ang wala makadawat sa ilang return of investment.
Una niini,gibulgar ni Apolinario pinaagi sa interbyu sa Bombo Radyo nga mukabat na sa 27 ka warrant of arrest ang gi-andam batok kang Apolinario sa ilang syudad tungod sa ilegal nga negosyo niini.
Samtang kapin gatos pa ka kaso ang gipasaka batok kang Apolinario.
Kini ang gikompirmar ni C/Insp Eprahim Migroño, hepe sa Bislig City PNP sa exclusive interview sa Bombo Radyo.
Miingon si Migronio nga sa dul-ag 130,anaa na sa 27 ka warrants of arrest ang gipalugwa kaniya.
Ang maong warrants nagsumikad sa gatusang reklamante sa KAPA,kinsa kanhi investors ni Apolinario.
Una niini,nagpabiling gawasnon ni Apolinario tungod sa iyang upat ka abogado nga insigida mobayad sa korte aron tabunan ang iyang pagka-priso.
Apan sa pag-interbyu usab sa Bombo Radyo kang Apolinario,gihimakak niini nga nalambigit sa ilegal nga kalihukan ang iyang grupo.
