CAGAYAN DE ORO CITY-Gikompirmar sa Security and Exchange Commission o SEC-Central Office nga pabiling wala pa’y rehistro ang Freeman Traders Club o FTC nga naggamit sa plotuos coins dinhi sa syudad.
Kini human unang gipasalig ni FTC founder Mark Freeman nga ipa-rehistro ang ilang grupo dihang gi-kuwestiyon ang legalidad sa operasyon niini sa dakbayan.
Miingon si SEC enforcement and investor protection dept head Atty Jose Aquino nga sutaon niya’g balik ang record sa Freeman pagbalik nila sa kauluhan.
Una nang gibutyag ni SEC regional director Atty Reynato Egypto nga gipangayo na nila sa ilang kadagkuan ang seize and desist order batok sa kalihukan sa Freeman.
