CAGAYAN DE ORO CITY-Gihataga’g katin-awan sa Mindanao International Container Terminal o MICT nga walay suliran kon ibalhin ang x-ray scanner bisan wala sa lugar sa Designated Examination Area o DEA sa lungsod sa Tagoloan, Misamis Oriental.
Kini human dunay mga tawo nga nagpadayag sa ilang kabalaka nga makasulod ang mga kontrabando gikan sa laing kanasuran nga dili mapugngan sa Bureau of Customs o BoC.
Miingon si MICT sub-port collector Elizabeth de las Llagas nga milugwa lamang ang lain nila nga x-ray scanner tungod sa pagdagsa sa daghang container vans nga ipaubos sa pakisusi.
Una niini, gipahibalo ni BoC deputy collector Marvin Mison nga wala na sila’y backlog sa pantalan hinungdan andam na kini modawat sa dugang kargamento.
