CAGAYAN DE ORO CITY-Gikompirmar sa magsisibya nga si Cocoy Medina sa dxIM-Radyo Pilipinas nga nakasulod na ang mga sakop ni Kabus Padatu-on o KAPA founder Joel Apolinario sa Misamis Oriental ug Bukidnon.
Kini human mismo si Medina ang gisulaya’g haylo sa KAPA aron mobubo usab sa investment diin gisaad ang 30 porsiento nga return of investment o ROI.
Dugang ni Medina nga nahitabo ang paghaylo kaniya sa Valencia City,Bukidnon diin siya kasamtangang nanimuyo.
Una niini, mismo ang Security and Exchange Commission o SEC regional director Atty Reynato Egypto ang nagbutyag nga ilegal ang kalihukan sa KAPA nga mibiktima sa libuang katawhan sa Caraga ug SOCKSARGEN regions sa Mindanao.
