CAGAYAN DE ORO CITY-Gibasura pinaagi sa argumento nga ”in ordinate delay” ang ikatulong kaso ni City Mayor Oscar Moreno sa 1st division sa Sandiganbayan.
Kini human unang gikasuha’g graft and corruption si Moreno sa pag-renta sa mga ekipo nga wala moagi’g public bidding dihang gobernador pa siya sa Misamis Oriental.
Miingon si Moreno nga daan na kining wala mabalaka sa maong kaso nga gipasaka sa Ombudsman kay walay kurapsyon sa paglugwa sa minilyong pondo nga gigamit sa pagtrabaho sa lalawigan.
Kini ang ikatulong kasong kriminal sa Sandigabayan nga gibasura tungod sa kalangan sa Ombudsman nga mapasaka hinungdan nga gipaboran sa mga mahistrado ang ilang mga mosyon.
Samtang wala pa mabasura ang kasong kriminal sa 1st Division sa Sandiganbayan nga giatubang ni Moreno.
Kini ang gipamugos sa testigo nga si Engr Antonio Nunez nga unang nagpasaka’g plunder batok kang Moreno sa Ombudsman.
Miingon si Nunez nga gitakda siya mga motestigo sa maong korte batok sa kaso ni Moreno sa Oktubre ning tuiga.
Namugos si Nunez nga dili siya sinugo sa mga Emano aron ipiton si Moreno.
