CAGAYAN DE ORO CITY-Gitin-aw sa Comelec nga kutob na lamang ning adlawa ang pagpa-rehistro alang sa mga botante sa 2019 midterm elections ning syudad.
Kini human gihimo sa City Comelec Office ang off-site registration sa mga gusto mahimong botante sa Robinsons Mall,Limketkai ning syudad sukad pa sa Setyembre 17 ug tapuson unya sa hapon.
Miingon si City Election Officer Atty Ramil Acol nga limitado na lamang ang mahatag nila nga priority numbers kay kutob sa alas singko sa hapon ra sila maka-akomodar sa katawhan.
Gitinguha sa Comelec nga makakuha’g dugang 20-mil ka bag-ong botante aron ipuno sa kapi’g 300-mil ka registered voters nga nakabase ning syudad.
