Photo: Sean Sulugan
CAGAYAN DE ORO CITY-Milusad sa surprise inspection ang City Regulatory and Complaint board o RCB kuyog ang PNP, DSWD ug DoH ang lodging houses sa syudad.
Miingon si RCB chairman Atty Egay Uy nga giuna nila ang daghang lodging house nga nahimutang sa Brgy Carmen nga sagad dagsaon sa pipila ka maghigugmaay.
Gitin-aw ni Uy nga mismo si City Mayor Oscar Moreno ang nagmando nga mugnaon ang special task force aron ipapaniguro nga dili hugaw, luwas sa sunog ug walay mga menor de edad nga gatrabaho sa logding houses.
Ubay-ubay ka nga violation ang nasusi sa mga lodging house ning syudad kagahapon sa hapon.
Samtang gikompirmar usab ni Patrick Luarte kinsa representante sa City Health Office nga ubay-ubay sa lodging houses ang hugaw ning syudad.
Gilayong mopalugwa sa rekomendasyon ang CHO nga ipasaka ang kalidad sa serbisyo sa mga lodging house nga nasutang daghan insekto,hugaw ang pansayan ug dili luwas alang sa mga temporaryong magpondo sa maong dapit.
Una niini, gipamugos sa CHO nga gikinahanglan naka-sanitize ang tibook palibot sa mga lodging house aron layo kini sa mga sakit sama sa skin diseases ug uban pa.
