CAGAYAN DE ORO CITY-Nangayo’g pasaylo si City Commission on Elections Officer Atty. Ramil Acol kung wala nila ma-akomodar karong adlawa ang pipila ka mga botante nga gusto magparehistro sa 2019 midterm elections.
Siya miingon nga dili na sila mohatag pa’g lugway ilabina nga anaa lamang sa 550 ka priority number ang ilang gi-akomodar.
Asoy pa niini nga dili na magmahay ang mga botante ilabina nga taas nga panahon na ang gihatag sa Comelec ngadto sa katawhan arun magparehistro sukad pa kaniadtong Hulyo 2 hangtud karung adlawa.
Nanghinaut si Acol nga magsilbing leksyon sa mga botante ang ilang wala paghatag lugway sa voters registration.
Matud ni Acol nga kinahanglang patilawon ang mga botante aron magmatngon ug dili na magsalig nga ayha na magparehistro kung deadline na.
Sumala pa niini nga taas na ang panahon nga gihatag sa ilang ahensya ug ga-overtime pa sila aron maserbisyohan ang mga botante.
