CAGAYAN DE ORO CITY-Ipaubos sa pagsusi sa election registration board o ERB ang mga pangalan sa nagpa-rehistro aron mahimong botante sa 2019 midterm elections ning syudad.
Kini human gitapos na sa Commision on Elections o Comelec ang tulo ka bulan nila nga pagdawat sa mga rehistro sa ilang opisina ug Robinsons Mall sa Limketkai Center sa dakbayan.
Miingon si City Election officer Atty Ramil Acol nga isaka pa nila sa kauluhan ang mga pangalan aron masuta kon
walay flying voters nga nalakip sa listahan.
Gibana-bana ni Acol nga anaa sa 20-mil ka bag-ong botante ang madugang sa listahan ning syudad.
