CAGAYAN DE ORO CITY-Nasaypan lamang pagsabot sa mga kritiko ug publiko ang pahayag ni Pres Rodrigo Duterte
kabahin sa iyang pag-angkon nga nakahimo siya’g extra judicial killings o EJK sa nasud.
Kini maoy pagpadayag ni PNP regional spokesperson Supt Surkie Serenias tungod sa batikos nga nadawat ni Duterte sa kamatay sa suspected pushers sa nasud.
Miingon si Serenias nga bisan sa mga pagsaway nga nadawat ni Duterte,wala makuha-i ang ilang pagsalig ug
suporta sa gobierno.
Una niini,namugos si Duterte nga wala siya’y laing atraso sa publiko gawas lamang sa EJK nga natigayon sulod sa iyang administrasyon.
Samtang gipangayuan na’g resulta sa PNP-10 ang Regional Internal Affairs Service o RIAS kabahin sa sunod-sunod nga pagkamatay sa suspected drug pushers sa rehiyon.
Kini human gibutyag ni Serenias nga dul-ag gatos na ka suspek ang napatay sa kapolisan tungod kay nanukol mismo sa paglusad sa operasyon.
Miingon si Serenias nga nagpadala na kini’g sulat -hangyo si RIAS aron makakuha’g kopya sa resulta sa imbestigasyon aron masayod ang publiko nga wala nagpasagad ang PNP sa pipila ka pulis nga nag-abusar sa trabaho.
Nasayran nga ang bulan sa Agosto ug Setyembre ning tuiga ang dunay labing daghang suspected drug personalities nga napatay sa police operations sa rehiyon.
