CAGAYAN DE ORO CITY-Naluwas sa peligrong kahimtang ang tulo ka sundalo nga samaron sa pagkahulog sa gisakyan nila nga KM 450 army vehicle sa sapa sa Brgy Punta Silum,Manticao,Misamis Oriental.
Kini human unang nakasinati sa mechanical defect kay nadislokar ang ‘tie rod’ hinungdan naligid padulong sapa ang sakyanan.
Miingon si 1st ID,Philippine Army civil military operation officer Maj Palawan Miondas nga nakaangkon lamang sa dili grabeng mga bun-og ang mga biktima nga sila si Sgt Gilbert Gonzalez,Sgt Jaypee Orola ug Cpl Sunday Manaay nga pulos na-destino sa 82nd IB sa Marawi City.
Padulong na sa manguli ang mga sundalo sa Marawi City dihang natigayon ang aksidente sa miaging Setyembre 30 ning tuiga.
