CAGAYAN DE ORO CITY-Mihimo’g lihok-protesta ang mga miembro sa relihiyosong pundok nga Doalnara Philippines batok sa usa ka Korean TV network ning syudad kagahapong adlaw.
Kini human unang giakusahan ang maong grupo nga ‘kulto’ o dunay kaugalingong Ginoo nga sukwahi’g pagtoo sa mga Kristiyano ug ubang tinuhuan.
Miingon ang ilang lider nga si Crisostomo Saligan Jr nga pagpangdaot lamang ang gipakatag sa balita hinungdan nga mihimo sila’g protesta batok South Korean TV network kagahapon sa buntag.
Nasayran nga ang maong grupo ang mga vegetarian ug may kaugalingon patakara sa panimuyo nga nakabase sa bukirang bahin sa Claveria,Misamis Oriental.
