CAGAYAN DE ORO CITY-Gipaniguro sa Cagayan de Oro City Police Office o COCPO nga mahatagan sa hugot nga seguridad ang ika-19 ka tuig nga convention sa Association of Tourism Officers of the Philippines o ATOP diha sa Luxe Hotel,Brgy Lapasan ning syudad.
Kini human tambungan ang ATOP convention sa libo ka delegado gikan sa lain-laing lugar sa nasud aron ituki ang tourism program sulod sa tulo adlaw ning syudad.
Miingon si COCPO spokesperson Supt Mardi Hortillosa nga kanunay ang ilang koordinasyon kang Gov Bambi Emano ug Misamis Oriental PNP aron masiguro nga dili mabalda ang kalihukan.
Gigastuhan sa dul-ag 3 milyon pesos ang pag-host sa kalihukan aron mahingusgan ang turismo sa rehiyon partikular sa kalungsuran sa lalawigan.
