CAGAYAN DE ORO CITY-Patay ang upat ka tawo dihang nasunog ang ancestral house sa Poblacion Mahinog, Camiguin kaganihang kadlawon.
Giila ang namatay’g mga biktima nga sila si Tomasisa Lao, 70 anyos; Angelita Lao, 74 anyos, George Lao ug Virgilio Lao, 64 anyo nga pulos mibisita lamang sa ilang ancestral house sa maong lugar.
Miingon si Mahinog Police Station commander Sr/Insp Virgilio Cena, hepe sa Mahinog Police Station nga kalit miulbo ang sunog sa ikaduhang andana sa gikatulgan sa mga biktima hinungdan nga wala na sila makagawas nga buhi.
Naluwas usab ang duha ka menor de edad kinsa niadtong tungura natulog sa ground floor sa maong gambalay.
Gisuta usab sa Bureau of Fire Protection o BFP ang hinungdan sa maong sunog.
