CAGAYAN DE ORO CITY-Nabawi sa hiniusang operasyon sa NBI,PNP ug NFA ang balor 50 milyon pesos nga sinakong commercial rice gikan sa tulo ka warehouse sa Iligan City.
Kini human unang gimando ni Pres Rodrigo Duterte ang paggukod batok sa mga negosyante nga utok sa rice hoarding o pagtago sa mga bugas sa nasud.
Miingon si NBI-Iligan City District officer Atty Abdul Jamal Dimaporo nga ipaubos nila sa imbestigasyon sila si Sonia Payan,Johnny Tan ug Chinese national Yang Jianzhu diin nakuhaa’g 50-mil ka sakong commercial rice.
Gibantayan karon sa kapolisan ang tulo ka warehouse nga gipanag-iya sa mga negosyante aron mapreserbar ang mga ebedensiya.
Samtang ipatawag sa NFA ang tulo ka negosyante nga nasapon nga nagtago’g mga bugas sulod sa mga warehouse sa Iligan City.
Miingon si NFA-Lanao del Norte Manager Sam Dimaporo nga hatagan nila’g higayon makatubag ang mga negosyante ayha pahamtanga’g silot subay sa nakita nila nga mga ebendensiya.
Nasayran nga anaa sa 50-mil ka sako sa commercial rice nga balor sa 50 milyon ka pesos ang kantidad dihang nakuha gikan kanila ni Sonia Payan,Johnny Tan ug Chinese national Yang Jianzhu sa maong lugar.
