CAGAYAN DE ORO CITY-Dili kumbinsido si kanhi City Councilor Candy Darimbang nga si Dept of Agriculture o DA Undersecretary Pompee La Vina ang ituboy ni Pres Rodrigo Duterte nga ipadagan pagka-mayor sa syudad.
Kini aron maoy mohagit sa subli pagpapili ni City Mayor Oscar Moreno sa ikatulong termino sa 2019 midterm elections sa syudad.
Miingon si Darimbang nga unang nangayo’g endorsement si La Vina kaniya apan giangkon niini nga maglisod siya’g tuboy kay dili kini politiko ug gamay lamang ang nakaila sa dakbayan.
Si Darimbang ang giindorso sa Partido Federal ng Pilipinas aron atbangan si Moreno sa piliay.
Samtang dili supakon ni La Vina nga si Darimbang ang makig-atbang kang Moreno sa midterm elections sa syudad.Kini kon mismo si Pres Rodrigo Duterte ang mo-endorso kaniya sa pagdagan aron atbangan si Moreno.
Apan miingon si La Vina nga moagi una sa pagsusi ang background ni Darimbang kon wala ba kini nalambigitan nga kahiwian sa pagpangalad sa gobierno.
Si Las Vinia ang miangkon sa Bombo Radyo nga intresado usab mopapili pagka-mayor kon mismo si Duterte ang mosugo kaniya pagdagan sa syudad.
