CAGAYAN DE ORO CITY-Gidid-an sa Security and Exchange Commission o SEC ang publiko nga mobubo sa ilang investment o salapi ngadto sa grupong Kabus Padatu-on o KAPA Community Ministry International Incorporated.
Kini human gilugwa sa SEC ang ikaduhang public advisory batok sa business activity sa KAPA nga dakong ilegal subay sa balaod.
Miingon si Atty Jose Aquino,director ng Enforcement and Investor Protection Department sa SEC nga na-rehistro ang KAPA apan non-profit corporation ug dili mohimo’g solicitation sa mga salapi sama sa kasamtangan nila nga gihimo.
Gihagit sa SEC ang kadagkuan sa KAPA nga makig-atubang kanila aron mapatud-an nga sila lehitimo ug dili grupo sa mga mangingilad nga naggamit sa relihiyosong kalihukan.
