CAGAYAN DE ORO CITY-Naila na sa Special Investigation Task Group (SITG) ang mga suspek sa pag-pambush-patay sa lima ka mga (5) ahente sa Philippine Drugs Enforcement Agency (PDEA) nga nakabase sa Autonomous Region in Muslim Mindanao (ARMM) sa Barangay Malna, Kapai, Lanao del Sur.
Gitawag sa Philippine Drug Enforcement Agency (PDEA)-10 nga pinaka-grabe nga nahitabo sa ilang ahensiya ang kamatayon sa ilang mga kauban.
Matud ni PDEA-10 spokesperson Agent Ben Calibre, adunay giimbestigahan ang SITG nga posibleng responsable sa krimen apan wala na kini mihatag dugang detalye.
Kahinumduman nga napatay sa ambush sila si Kenneth Tabulo,Kristine Mae Torlao,Lores Joy Amar,Binzo Dipolla ug Diobel Pacinio.
Naglaum si Calibre nga dako’g ikatabang aron mapadali ang imbestigasyon sa nahitabong pagpang-ambush ang naangol nga ilang kauban.
Si Calibre miingon nga gipaubos karon sa operasyon ang wala nganli nga “agent” ilabina nga grabe nga samad pinusilan ang naangkon niini sa kalawasan.
Una nang giangkon ni Calibre nga bisan paman ila na ning gilauman nga panghitabo, dili gihapon malikayan nga mobati sila’g kahadlok ilabina nga mga dagkong sindikato sa illegal nga druga ang ilang mga kaatbang.
