CAGAYAN DE ORO CITY-Daw wala matarog ang PDP-Laban candidates nga gipanguluhan ni City Mayor Oscar Moreno sa paghiusa sa Padayon Pilipino-Hugpong ng Pagbababo ug Centrist Party of the Philippines alang sa 2019 midterm elections sa syudad.
Miingon si Moreno nga posibleng naglisod ang grupo ni kanhi City Mayor Vicente Dongkoy Emano nga mobangga kaniya hinungdan nga nakig-alyansa na lamang ngadto sa laing partido.
Samtang gikataw-an na lamang sa Padayon Pilipino-Hugpong ng Pagbababo ug Centrist Party of the Philippines alliance ang pahayag ni Moreno nga naghuyang ang ilang grupo nga mobangga kaniya alang sa sunod piliay sa syudad.
Miingon si Padayon Pilipino regional vice president Kag Atty Leon Gan nga angay dumdumom ni Moreno nga ang grupo nga miuban kanila ni kanhi City Mayor Vicente ‘Dongkoy’ Emano ang kanhi kauban niini sa miaging piliay sa syudad.
Namugos si Gan nga lig-on ug dunay katakos ang ilang grupo aron pildihon ang mga kandidato ni Moreno.
