CAGAYAN DE ORO CITY-Gideklarar na ni City Mayor Oscar Moreno ang tinguha sa subli pagpapili sa ikatulo nga termino sa 2019 midterm elections sa syudad.
Kini human gi-presentar ni Moreno sila City Vice Mayor Kikang Uy,Cong Rolando Klarex Uy sa 1st district,ABC president Kag Alam Lim alang sa segundo district ug konsehales nga PDP-Laban candidates sa piliay dakbayan sunod tuig.
Miingon si Moreno nga kabahin sa mga kandidato pagka-konsehal sila si Kag Zaldy Ocon, Kag Jay Pascual, Kag Romeo Calizo, Kag Inday Dahino, Kag Boboy Daba, Kag Goerge Goking, kanhi Carmen Brgy Kag Jun-jun Daba ug kanhi City Councilor Roger Abaday.
Samtang sa 2nd District Councilors mao sila si Kag Ma. Lourdes Gaane, Kag Suzette Daba, Ian Mark Nacaya, Eric Salcedo, Teodolfo Lao, Ed Cabanlas, Agusan Brgy Kap Andrew Melliza ug kanhi media broadcaster Girlie Balaba nga su-od ni Pres Rodrigo Duterte.
Samtang wala magpataranta ang alyansang Padayon Pilipino-Hugpong ng Pagbababo ug Centrist Party of the Philippines sa pagpaila sa lineup sa PDP-Laban candidates nga gipanguluhan ni Moreno.
Miingon si Padayon Pilipino regional vice president Kag Atty Leon Gan nga kumpleto na ang ilang mga konsehal apan ihan-ay pa ang posisyon sa pagka-mayor,bise-mayor ug kongresista sa duha ka distrito.
Giawhag ni Gan ang ilang mga alyado nga mangandam na lamang kay mismo na sa pagduso sa sertipiko de kandidatura masayran kon kinsa ang angay modagan sa tag-as nga posisyon.
