CAGAYAN DE ORO CITY-Gitin-aw sa kapolisan nga koleksyon lamang sa namatay’ng si Dr Reynaldo Abiol ang upat ka unexploded explosive device o UED nga nakita sa tangkalan sa mga baboy sa Purok Zenia, Brgy Cabalantian, Manticao Misamis Oriental.
Nakita nila Alnar Baculio, 38-anyos ug Arsenio Zamora, 44-anyos ang mga granada sa dihang gisugo sila nga koralon ang maong lugar.
Sa gihimong pakisusi sa mga otoridad, nasuta nga wala nay explosive filler ug dili na moboto ang mga granada.
