CAGAYAN DE ORO CITY – Gikondenar sa Philippine Justice Association ang pag-ambush patay sa usa sa ilang mga huwes sa Ozamiz City,Misamis Occidental.
Kini human nagbaton sa siyam ka igo pinusilan sa mga bala si Regional Trial Court Branch 15 Presiding Judge
Edmundo Pintac dihang gi-ambush patay upat ka tawo nga sakay sa duha ka motorsiklo samtang padulong na mouli
sa giabangan nga apartment sa maong syudad.
Gibutyag ni Bombo Radyo kang Regional Trial Court Branch 23 Presiding Judge Arthur Abudiente,deputy vice president for special affairs sa Philippine Justice Association nga usa ka lino-og nga pag-atake sa hudikatura ang pagka-ambush kang Pintac.
Gibutyag ni Abudiente nga usa ka maayong tawo ang pag-ila niini kang Pintac nga dugay nang presiding judge sa
korte sa sa maong dakbayan.
Dugtong niini,gihagit ni Abudiente ang mga otoridad nga dili itugot nga mag-resulta lamang sa pagkawalay hinungdan
ang kaso aron mahataga’g hustisya ang gidangatan niini kagahapong adlawa.
Si Pintac ang naghawid sa illega drug cases ni detained City Vice Mayor Nova Princess Parojinog ug igsoon nga si
Reynaldo Jr sa Ozamiz City.
Samtang Hugot nga gikondinar sa Integrated Bar of the Philippines o IBP CdeO-Misamis Oriental chapter ang ikaduhang huwes nga gipusil patay sa rehiyon.
Gibutyag ni Atty Ed Cuaresma, presidente sa CdeO-Misamis Oriental Chapter nga usa ka matang sa extra judicial killings o EJK ang pagpatay kang Pintac na nakabase sa Ozamiz City.
Base sa ulahing report, gipusil si Pintac samtang pauli na sa iyang pinuy-una kagahapon sa hapop.
Papauli pa ang biktima sa iyang girentahang nga apartment sa dihang gi-ambush kini sa mga armadong suspek.
Si Pintac ang naghawid sa pipila kasong illega drugs sa grupo sa mga Parojinog sa maong syudad.
